Meteorologët: Borë në Tiranë në datat 16 deri në 21 janar
Instituti Meteorologjik Meteoalb bën me dije se Tirana do të përfshihet sërish nga dëbora.
Konkretisht, sipas Meteoalb ditët me më mundësi për të rënë borë në kryeqytet do të jenë datat nga 16 deri në 21 janar.
Gjithashtu meteorologët thonë se muaji janar do të jetë i ftohtë, ku nuk do të përjashtohen reshjet e borës dhe të shiut deri në datën 25.
Për ditën e sotme, Meteoalb sqaron se temperaturat do të pësojnë rritje në të dy vlerat ekstremale të ditës. Era do të fryjë mesatare, duke arritur shpejtësinë 60 km/h nga drejtimi jugperëndimor, e cila do të bëjë që deti të jetë i trazuar.
