Anxhela Noçka, 22 vjeç, ndërroi jetë mbrëmjen e së premtes në Spitalin e Budapestit. Studentja e vitit të katërt të Arkitekturës humbi betejën me leuçeminë akute, nga e cila u prek në mënyrë të befasishme në janar të vitit 2017.
Nuk ka kaluar ende një vit kur Anxhi motivonte të gjithë me këto fjalë:
“Thjesht dua t’u kujtoj se jeta është shumë e bukur. Boll u ankuat dhe mos lejoni botën jashtë jush që të depërtojë në brendësinë tuaj e t’u ndikojë negativisht. Asksush tjetër nuk është ti, kjo është fuqia juaj. Vazhdoni të doni dhe të rriteni duke mos harruar se çdo situatë në jetë është kalimtare. Sa për ta ditur…universi bie gjithmonë në dashuri me një zemër kokfortë. Sinqerisht, Anxhi!”
“Bëje për Anxhin”, ishte nisma që përfshiu organizimin e dhjetëra aktiviteteve të bamirësisë, që mundësoi qëndrimin e saj 1-vjeçar në një qendër të specializuar në Budapest të Hungarisë, megjithatë e reja nuk ia doli dot.
