Menjëherë pas ndeshjes së humbur kundër Ukrainës ka patur shumë vërshëllima për Shqipërinë. Si pasojë trajneri Panucci i është përgjigjur vetëm një pyetje të gazetarëve, duke mos e duruar dot atmosferën e krijuar. Për super sport u shpreh:
Çfarë keni bërë gjatë këtyre ditëve për të ndezur zjarrin që mungoi ndaj Kosovës?
Duket se futbollistët nuk kanë qenë në kushtet e duhura fizike në këto dy takime, ndaj ishte e pamundur të ndizje zjarrin. Nëse nuk je në gjendjen e duhur fizike, nuk mund të vraposh, nuk mund të luash dhe mbi të gjitha nuk mund të punosh. Më falni, sepse duhet të largohem…
Më pas Cristian Panucci u largua me nxitim nga mikrofoni, pasi thirrjet dhe vërshëllimat e shumta të tifozëve po e bënin të pamundur vijimin e intervistës.
