Trajneri i ri i Kombëtares shqiptare, Christian Pannuci, ka publikuar listën e futbollistëve të grumbulluar për dy ndeshjet e radhës për eliminatoret e kampionatit botëror “Rusi 2018”, kundër Lihtenshteinit dhe Maqedonisë.
Ajo që bie në sy është mungesa e një prej lojtarëve më të përfolur së fundmi, Taulant Xhaka. Gjithashtu në listë mungon edhe Ergys Kaçe.
Edhe pse lojtari kishte deklaruar më herët se pati një takim pozitiv me trajnerin, duket se nuk është në planet e Kombëtares, të paktën për momentin.
Risi në këtë lisë është grumbullimi i tre lojtarëve të rinj: Hysen Memolla (Hajduk), Ivan Baliu (Metz) dhe Valon Ahmeti (Maribor).
