“Sot në Prishtinë isha me “status” tjetër”
“Prej më shumë se 48 orësh jam edhe shtetas i Kosovës. Falënderoj Presidenten Jahjaga. Sot në Prishtinë isha me “status” tjetër”. Kështu e ka lajmëruar në rrjetet sociale marrjen e shtetësisë së Kosovës deputeti socialist Pandeli Majko. Njërën ndër firmat e fundit si Presidente, Atifete Jahjaga e ka vënë mbi dhënien e shtetësisë për ish-kryeministrin shqiptar në kohën e luftës në Kosovë. Lidhjet e Majkos me Kosovën rikthehen në vëmendjen e publikut shpesh. Deputeti socialist ka edhe të vëllain që jeton në Prishtinë pas martesës me një vajzë nga Kosova.
