Ministri i Bujqësisë: Është premtuar dëmshpërblimi dhe ne po fillojmë gradualisht të merremi me këtë çështje
Banorët e zonave të përmbytura në Shkodër i kërkuan sot ministrit të Bujqësisë dëmshpërblimet për përmbytjet e vitit 2010-2011 kohe kur vendi qeverisej nga demokratet. Ministri Panariti ishte sot në Shkodër për të inspektuar punimet në argjinaturën e Darragjatit. Atje është përballur me banorët e zonave të përmbytura të cilët kanë dëshmuar se shumë familje po jetojnë në vështirësi pasi gjatë këtyre përmbytjeve kanë humbur gjithçka. “Për ne qeverite, si e majtë si e djathtë janë njësoj. Ne kërkojmë dëmin tonë dhe asgjë më tepër”, ka thënë një banor.
Në përgjigje të tij, panariti sqaroi: Këto janë premtime të një shteti serioz dhe për rjedhojë përderisa janë kryer këto premtime do ti shikojmë mundësitë që ne ti përmbahemi. Po fillojmë gradualisht me problemin e dëmshpërblimeve. Bashkë me Panaritin ishte edhe kryetarja e Bashkisë Shkodër Voltana Ademi e cila shprehu shqetësimin për fondet e papërfillshme të akorduara për këtë bashki, si dhe politikat që po ndiqen për bujqësinë.
