Një aksident i rëndë ka ndodhur në fshatin Selitë në Elbasan, ku për pasojë dy persona kanë humbur jetën dhe një tjetër mbeti i plagosur.
Mësohet se viktimat janë Agron Shermlli, 48 vjeç dhe Agim Menci 50 vjeç ndërsa dy drejtuesit e automjeteve, ndodhen nën kujdesin e mjekëve.
Ende nuk dihen shkaqet e aksidentit tragjik ndërkohë policia po punon për zbardhjen e tyre.
Cërrik/ Informacion paraprak
Në fshatin Kamuna, Cërrik, është përplasur mjeti tip “Benz”, me drejtues shtetasin D. Sh., banues në Cërrik, me mjetin tip “Benz”, me drejtues shtetasin A.H., banues në fshatin Kamuna, Cërrik, dhe një karrocë me drejtues shtetasin A.M., banues në fshatin Linas, Cerrik.
Si pasojë e aksidentit kanë ndërruar jetë shtetasi A.Sh., 48 vjeç, banues në fshatin Lumas, Cërrik, i cili ishte pasagjer në një nga automjetet si dhe shtetasi A. M., ( drejtuesi i karocës).
Ndërsa dy drejtuesit e automjeteve, ndodhen nën kujdesin e mjekëve.
Grupi hetimor ndodhet në vendngjarje dhe po punon për zbardhjen e shkakut të aksidentit.
