Vijon protesta e opozitës tek çadra e ngritur para kryeministrisë që prej 18 shkurtit 2017.
Kryetari i grupit parlamentar të PD-së Edi Paloka, i ka bërë thirrje kryeministrit Rama të mos pretendojë të ketë zgjedhje pa praninë e Partisë Demokratike.
“Ai do të emërojë dhe opozitën. Do të vërë Bamirin apo kë mendon. Ta ngulisë mirë në kokë. Më 18 qershor i mbaron mandati e pas 18 qershori ta marrë guximin të hyjë pa mandat në zyrë”-shprehet Paloka.
Referuar situatës së djeshme kur kryeministri Rama kaloi përpara protestuesve me djalin e tij në krahë dhe i shoqëruar me trupëroja, Paloka shprehu neveri se si ai përdori djalin për t’u mbrojtur.
Paloka: “Përdor familjen e fëmijën për interesat e tij por dhe kësaj do i vijë fundi shpejt. Qënieve si ai nuk mund ti hapim rrugë. Nuk ka kthim, prapa. Ta harrojë se do të ketë zgejdhje në këtë vend pa PD.”
