Palmat aq shumë të diskutuara të autostradës Tiranë-Durrës nuk ekzistojnë më. Pemët e kushtueshme e patën jetën të shkurtër në Shqipëri, ndërsa morën edhe shumë faje me vete.
Tashmë gjatë aksit që lidh Kryeqytetin me Durrësin nuk ka më shenja të bimëve që në jo pak raste u tha se nuk u përshtatën me kushtet klimatiko-tokësore të vendit tonë.
Palmat janë akuzuar edhe për përmbytjet që ndodhën në këtë aks në dhjetorin e vitit të kaluar. Kështu ikën nga Tirana palmat së bashku me faturën 600 mijë euro.
