Kryeministri Edi Rama ka komentuar nga Vjena paketën “Anti-shpifje” të miratuar fundvitin e kaluar në Parlament.
Me gjuhë ironike, Rama tha se gazetarët e pakënaqur duhet të lexojnë ligjin, madje mund të ofrojë dhe dhe vetë ai asistencë për lexim nëse është e nevojshme.
-Çfarë do të bëjë që Shqipëria të ndjehet komode krah vendeve të tjera anëtare të OSBE-së në një kohë kur ky ligj ka lënë shumë gazetarë të pakënaqur?
-Ne nuk jemi komod, por super-komod, e them këtë pa zbukurime. Jemi super krenarë që e kemi marrë këtë përgjegjësi kaq të madhe dhe që Shqipëria sot është këtu. Ky është një vlerësim. Gazetarët e pakënaqur duhet të lexojnë ligjin. Kjo nuk është një çështje e OSBE-së. OSBE-ja e ka miratuar plotësisht paketën e kaluar në Kuvend. Jemi të gatshëm të ofrojmë kushte, asistencë të nevojshme për lexim që kush është i pakënaqur të lexojë ligjin”.
Rama ka folur edhe për krizën politike në vend, ai ka thënë se është atificiale ndërsa ka shtuar se ka një process dakortësi mes palëve për Reformën Zgjedhore.
“Përsa i përket pjesës së krizës politike, është tejkaluar fjala e madhe është një krizë artificiale e injektuar nga politika shqiptare nga njëra palë por është e rëndësishme që jemi në një proces dakortësie lidhur me Reformën Zgjedhore. Kështu që nuk mendoj që në këtë familje prej 57 vendesh përfaqësojmë një vend me një krizë të veçantë”, tha Rama.
