Nënkryetari i LSI, Petrit Vasili ka reaguar sërish lidhur me miratimin e paketës “anti-KÇK”, ku shprehet se kjo paketë lindi vetëm nga nevoja e qeverisë për të penguar zbatimin e ligjeve në fuqi.
Në një postim në Facebook, KÇK-ja asgjëson plotësisht çdo objektiv që reforma në drejtësi kishte për një drejtësi të pavarur dhe të pakapur nga qeveria dhe që do të luftonte me eficiencë të plotë krimin, trafikun e drogës dhe pastrimin e parave të pista.
POSTIMI I VASILIT
KÇK-ja: Huliganizëm i qeverisë kundër shteti ligjor!
KÇK lindi vetëm nga një nevojë dhe nga një objektiv: ai i pengimit, i konfuzimit dhe i neutralizimit nga qeveria të zbatimit të ligjeve në fuqi.
Kjo është e qartë si drita e diellit.
Të gjitha ligjet ekzistojnë, janë të plota shterruese dhe përmbajnë të gjithë instrumentet për të vepruar, neutralizuar e dënuar veprimtarinë kriminale duke filluar nga ligji Antimafia, Kodi Penal dhe i Procedures Penale dhe nga një tufë institucionesh, që kontrollohen nga vetë qeveria, si: Drejtoria e Përgjithshme të Parandalimit të Pastrimit të Parave, SHISH, Departamenti Antikorrupsion në Kryeministri, Drejtoria e Informacionit të Klasifikuar, Sektori i Programeve në Fushën e Drejtësisë dhe Antikorrupsionit, Ministrinë e Drejtësisë, Agjencia e Prokurimit Publik, SHÇBA në Ministrinë e Brendëshme etj.
Kjo pafundësi strukturash, që varen nga vetë qeveria janë kapur prej saj dhe kryejnë të kundërtën e misionit të tyre, pra nuk zbulojnë dhe nuk luftojnë veprimtarine kriminale, por përkundrazi me veprimet dhe mosveprimet e tyre e stimulojnë dhe mbështesin në funksion të mbajtjes së pushtetit të rilindjes dhe Edi Ramës.
Rrëmbimi policor nga qeveria e pushtetit të Gjykatave është një strategji kriminale për të shtuar konfuzionin, për ti dhënë kohë krimit që të humbë gjurmët, që të organizohet, të informohet për të mos u dëmtuar,por për të vazhduar edhe më i fortë të qeverisë përmes të telekomanduarve prej tij në qeverinë e rilindjes.
KÇK-ja asgjëson plotësiaht çdo objektiv që reforma në drejtësi kishte për një drejtësi të pavarur dhe të pakapur nga qeveria dhe që do të luftonte me eficiencë të plotë krimin, trafikun e drogës dhe pastrimin e parave të pista ku qeveria vetë është zhytyr kokë e këmbë dhe për të cilat ndodhet nën akuzë botërisht sepse e ktheu Shqipërinë sipas DASH në bazë të krimit të organizuar për Europën, SHBA, Amerikën Latine dhe Lindjen e Mesme si dhe e shndërroi Shqipërinë nder tre vendet më të korruptuara të botës sipas Bankës Botërore.
SPAK dhe BKH u krijuan nga reforma në drejtësi për të hetuar e dënuar shumë fort dhe në mënyrë të pavarur krimin dhe korrupsionin
Kontrolli policor nga po ajo qeveri dhe polici, që lejuan kthimin e Shqipërisë në Narko Shtet është asgjësimi real i shtetit të së drejtës dhe praktikisht është si ti varësh mëlçitë ujkut në qafë.
Qeveria dhe Policia e dosjeve 184 dhe 339 dhe e bandës kriminale të kryebashkiakëve të 30 qershorit do të luftoka krimin përmes KÇK.
Ky është fundi i Reformës në Drejtësi.
Kushtetuta e 21-22 korrikut dhe shtatë ligjet e reformës në drejtesi u dhunuan e u zhbënë me këtë Akt Normativ huliganizmi qeveritar të pashembullt, antikushtetues dhe antiligjor.
Çdo qytetar i Shqipërisë duhet ta dijë shumë qartë se nuk mungon asnjë ligj për të luftuar kriminelët dhe veprimtarinë e tyre.
Çdo qytetar duhet ta dijë mirë se kriminelët, që blenë votat për rilindjen, që ajo të rrijë në pushtet, kërkojnë sot mbështetje dhe KÇK-ja është dhurata e qeverisë për ta.
KÇK është asgjësimi i reformës në drejtësi dhe i ndarjes së pushteteve si themel i demokracisë dhe i shtetit ligjor.
KÇK-ja ka për mision poshtërimin, neutralizimin dhe nënvleftësimin e institucioneve të reja të drejtësisë e sidomos SPAK dhe BKH.
Kush mbyll sytë dhe gojën sot përpara këtij huliganizmi qeveritar policor ndaj shtetit të së drejtës në Shqipëri është fajtor njëlloj si huliganët e qeverisë.
SPAK i ka përpara syve shkelësit qeveritarë të Kushtetutës e ligjit dhe shpërdoruesit e dhunshëm të detyrës shtetërore në interes të krimit
SPAK ti hetojë e ti dënojë, ç’pret më??
