Pak orë para protestës, kreu i Partisë Demokratike Lulzim Basha është shprehur se bashkimi, pjesëmarrja dhe vendosmëria do ta çojnë këtë betejë drejt fitores.
Në një postim në Facebook, fton të gjithë qytetarët shqiptarë të marrin pjesë në protestën e sotme para Kryeministrisë në orën 19:00.
“Bashkimi, pjesëmarrja dhe vendosmëria për ta çuar këtë betejë drejt fitores së sigurtë, është investimi më krenar për fëmijët, për të ardhmen e tyre dhe të cdo shqiptari. Të rinj e të reja, studentë dhe profesionistë, pedagogë, artistë, intelektualë, mjekë infermierë dhe mësues, sipërmarrës të ndershëm dhe fermerë, pensionistë dhe të papunë, familjarë, prindër dhe bij e bija të shqiptarëve, mirësevini sonte në bashkimin popullor dhe qytetar në orën 19 në Tiranë. Asnjë hap pas!”- shprehet Basha në thirrjen e tij ndaj qytetarëve.
