Nëpërmjet një deklarate të shpërndarë dje, përfaqësuesi i OSBE-së për Lirinë e Shtypit, Harlem Desir shpreh shqetësimin e tij për një ligj që kërkon të financojë me para publike vetëm disa mediat komerciale, kliente të mira të qeverisë.
“Jam i shqetësuar se ky propozim mund të ndikojë stabilitetin financiar të RTSH-së. Transmetuesit publikë kanë një rol të rëndësishëm në garantimin e informacionit cilësor dhe mbulimit kombëtar dhe duhet të kenë burime të nevojshme për të përmbushur detyrat e tyre.
Çdo sistem i financimit shtetëror për mediat duhet të jetë subjekt i këshillimit publik përfshirë të gjithë aksionerët e mediave. Duhet po ashtu të ketë një objektiv të qartë dhe të gjerë për të gjithë sektorët mediatikë, përfshirë shtypin lokal, atë online dhe print, përmes procedurave dhe kritereve transparente, pa ndërhyrje politike dhe me synimin për të forcuar pluralizmin mediatik.”, thuhet në këtë deklaratë.
https://www.osce.org/representative-on-freedom-of-media/384510
