Shqipëria ka gati planin kombëtar për përshtatje ndaj ndryshimeve klimaterike. NAP, një dokument që synon të minimizojë dëmet me pasoja sociale dhe ekonomike, të shkaktuara nga ndryshimet klimaterike. Plani kombëtar mbulon periudhen 2017-2035 dhe zbatimi i tij eshte parashikuar ne 3 faza: afatshkurtër, afatmesëm dhe afatgjatë dhe mbulon sektoret e mjedisit, bujqësisë, shëndetësisë, mbrojtjes civile, turizmit dhe zhvillimit urban.
Merita Mansaku Meksi, “GIZ” u shpreh se: “Një çështje e rëndësishme është ujitje kullimi, si duhet përshtatur bujqësia shqiptare në këndvështrimin e farërave dhe produkteve bujqësore që të jenë më rezistente ndaj këtyre ndryshimeve të klimës, dhe tjetra është menaxhimi i baseneve ujore. Përmbytjet nëpër lumenj ndihen shumë më tepër nëse merren materialet inerte”.
Fondi global i klimës jep çdo vit deri në 50 milionë dollarë për projekte fizibël për t’u përshtatur me ndryshimet e klimës, por që vendi ynë nuk i akseson për shkak të mungesës së këtyre projekteve. Ministri Lefter Koka tha se po punohet për forcimin e kapaciteteve profesionale në këtë aspekt.
