A është Agron Xhafaj në audiopërgjim apo jo? Enigma u shtua mbrëmë, kur deputeti Ervin Salianji nxori me zë dhe figurë dëshmitarin e prokurorisë Fredi Alizoti duke treguar se është shantazhuar për të aktruar. Ai tha se e ka marrë me makinë drejtori i policisë Ardi Veliu, i cili e ka bindur të thotë se ka luajtur rolin e Agron Xhafës. Nuk dihet se kush ia ka bërë këtë kamera të fshehtë Alizotit, por del hapur se ai është një person i pabesueshëm; që ndryshe ka thënë në prokurori e ndryshe në bisedën private, ku është përgjuar.
Ervin Saliani u ngrit befas në emision dhe i dha 1 dollar Fevziut, duke i kërkuar ta shfaqte në ekran.
“Këtë zotërinë që është dëshmitari kryesor i prokurorisë e kanë marrë e kanë përpunuar. Këtë njeri e kanë çuar me zor si dëshmitar në prokurori…”
Në këtë moment i revoltuar, Mustafa Nano i drejtohet Salianjit: “O idiot, po të përdorin! O koqe kandari, po të përdorin! Do hysh vetë në burg!”
Salianji vazhdon: “Ky zotëria Fredi Alizoti që del se thotë kam bërë zërin e Agron Xhafës më 1 qershor ka marrë drejtorin e Policisë së Fierit dhe ka denoncuar. Ndërsa në filmimin që më kanë sjellë mua ky thotë se më kanë shantazhuar.
Mustafa Nano: “Ti je edhe dhi e zgjeposur dhe bishtin përpjetë. Je nën akuzë!”
Salianji: “Janë vënë të gjithë në shërbim të ministrit të Brendshëm. Policia është angazhuar për të gjetur një dëshmitar të rremë. Shiheni tani këtë llumin që është dëshmitar për prokurorinë.”
Kjo video mund të ndryshojë rrjedhën e ngjarjeve, tashmë që çështja “Babale” është në gjyq. Kujtojmë se prokuroria ka dalë në konkluzionin që Babalja e ka inskenuar gjithë ngjarjen, pasi nuk ka folur me Agron Xhafën, por me personin Fredi Alizoti.
VIDEO/ “O k*** kandari po të përdorin”, revolta e Muç Nanos me Salianjin
