Ministri në Detyrë për Evropën dhe Punët e Jashtme Gent Cakaj ndonëse ishte i pranishëm në konferencën e sotme krah kryeministrit Rama nuk bëri asnjë reagim sa i takon vendimit për mos-hapjen e negociatave për Shqipërinë dhe Maqedoninë e Veriut.
Në një postim në rrjetet sociale, Cakaj deklaron se pavarësisht mungesës së konsensusit në Këshill për çeljen e negociatave, Shqipëria do të vazhdojë angazhimet e saj reformatore dhe përpjekjet e mëtejme në shërbim të aspiratës evropiane.
“Nuk ka një ujdi absolute për të filluar bisedimet për anëtarësim me Shqipërinë dhe Maqedoninë e Veriut, ekziston një pajtueshmëri e plotë se të dy vendet kanë përmbushur të gjitha kushtet e paraqitura në konkluzionet e qershorit të vitit 2018” -u shpreh Cakaj.
