Nuk morën pagën e luftës, 144 punonjës të një fasonerie në Vlorë dalin në protestë

Një tjetër protestë, ka ndodhur sot në Vlorë, ku 144 punonjës të një fasonerie këpucësh për thonë se nuk e kanë përfituar e pagën e luftës.

Nga data 9 mars deri në 25 mars, sipas tyre, kanë qenë totalisht pa punë, teksa pas datës 25 mars kanë punuar me zgjidhje të reduktuar nga 3 deri në 5 orë çdo ditë dhe nuk kanë përfituar një pagë më të lartë se 15 mijë lek të reja në muaj. Janë të gjithë familjarë, siç deklarojnë edhe vetë, dhe nuk ja dalin dot që me pagën e përfituar të mbajnë familjen.

Ata kanë nisur protestën e tyre rreth orës 8 të mëngjesit, fillimisht pranë fasonerisë që punojnë dhe më pas janë drejtuar në Drejtorinë Rajonale të Tatimeve në Vlorë. Pas një proteste prej afro 30 minutash në këtë institucion, është kërkuar një përfaqësi e përberë nga 6 prej tyre, e cila është pritur nga drejtuesi i këtij institucioni, Bledar Taushani.

Teksa po të enjten është publikuar në fletoren zyrtare edhe udhëzimi i ri i qeverisë, me paketën e re financiare mbështetëse për bizneset, e cila sqaron se të gjithë aplikuesit për pagën e luftës, që janë hequr nga skema e sigurimeve shoqërore brenda datës 17 maj, automatikisht përfitojnë pagën e luftës.