Kryetarja e LSI-së, Monika Kryemadhi, duke folur për aferën e inceneratorëve në emisionin “Opinon”, tha se ish-ministri i Mjedisit, Lefter Koka me paratë e inceneratorit të Elbasanit ka shlyer kreditë e tij personale. Edhe pse Koka u zgjodh në vitin 2017 deputet nën siglën e LSI, Kryemadhi tha se ai nuk ka blerë vota për llogari të partisë që ajo drejton.
“Paratë që Lefter Koka ka marrë nga inceneratori i Elbasanit ka shlyer kreditë e tija bankare, nuk mendoj se me paratë e inceneratorëve i ka blerë vota në vitin 2017. Megjithatë dua të theksojë, a janë paratë e inceneratorit të Tiranës që janë përdorur për blerje votash Tiranë, Durrës, Elbasan Berat dhe Fier? Kjo është çështje që duhet ta zgjidh SPAK” – tha Kryemadhi.
