Deputeti i Partisë Demokratike, Ervin Salianji, ka treguar në një interviste për mediat se bashkë me të, ka edhe deputetë të tjerë që nuk e kanë mbështetur kryedemokratin. Por që sot janë në protestë. Emra nuk preferoi të tregonte.
“Nuk është çështje palësh, këtu është protestë për flamurin dhe të gjithë duhet të jenë aty. Të gjithë ata që janë kundër qeverisë dhe Edi Ramës. Sa më shumë protesta dhe sa më shumë thirrje të kemi, aq më shumë do të ketë mundësi që të rrëzohet kjo qeveri. Kam parë shumë deputetë të PD-së në Shqipëri.
Unë sot nuk jam organizator si herët e kaluara, por jam në rreshtat e qytetarëve. Nuk është etike që unë tu them emrat, por shumë prej tyre janë këtu, do postoj foto pastaj dhe do të duket që janë në protestë, janë ata që janë pjesë të grupit të PD-së që kanë mbështetje ndryshe. Është më mirë kur qëndron mes qytetarëve. Do të jem këtu deri në fund, derisa të ikin protestuesit”, tha Salianji.
Sakaq, ai u shpreh se ka shkuar në protestë për të mbrojtur interesat e qytetarëve, jo për interesa politike.
Salianji nga protesta: Mllefi tek qytetarët, fatura që duhet të paguajë Rama
