Deputeti shqiptar në parlamentin e Serbisë, Shaip Kamberi, është shprehur se nuk do të bëhet pjesë e Qeverisë së Serbisë të udhëhequr nga presidenti serb, Aleksandar Vuçiç. Kamberi është shprehur se nuk do të bëhet pjesë e Qeverisë së Serbisë të udhëhequr nga presidenti serb, Aleksandër Vuçiç dhe politikës të cilën e zbaton ky i fundit. Përveç kësaj, ai ka theksuar se nuk do të futet në qeverisjen “autoritare” të Vuçiçit derisa Serbia “nuk e ndërron qasjen ndaj Kosovës, derisa Serbia nuk e ndërron Kushtetutën dhe preambulën e saj”.
“Unë dhe asnjë nga partnerët e mi të koalicionit nuk do të pajtohen që për një vend, dy apo tre, apo një zëvendësministër të futemi në qeverinë autoritare të Vuçiçit”, është shprehur ai.
Lidhur me deklaratën e Kamberit, ka reaguar gazetari Vehbi Kajtazi, i cili ka thënë se ky kusht është i patejkalueshëm derisa nuk ka ndonjë marrëveshje me Serbinë.
“Mos është ky kusht i madh dhe mos mundet të ketë pasoja në përfaqësim shqiptarët në Serbi nëse ky kusht vendoset përfundimisht në raport me Vuçiçin. Ju keni të drejtë t’ia vëni këtë kusht por këto kushte nuk po munden t’ia vendosin disa shtete më të fuqishme Beogradit e lëre më një deputet”, ka thënë ai.
Ndërkaq, kësaj i është kundërpërgjigjur Kamberi duke thënë se “nuk mundemi ne të jemi pjesë e një qeverie e cila kur do ta jep betimin në parlament do ta japë betimin se do ta kthejë Kosovën si pjesë të Serbisë”.
“Cili shqiptar do të jetë pjesë e asaj qeverie? Deputeti jep tjetër betim, qeveria jep tjetër betim”, shtoi ai.
Ndërkaq, kur pyetet se nëse zgjedhjet deputet a do të bëhet pjesë e ndonjë grupi parlamentar apo do të mbes i pavarur, Kamberi ka thënë se si mundësi teorike që ekziston nëse arrihet ta sigurohet mandati, janë dy deputetë të SDA, dy deputetë kroatë dhe një deputet shqiptar që mund teorikisht ta bëjë një grup parlamentar.
“Por për këtë çështje duhet të ulet dhe të shihet edhe orientimi i tyre dhe veprimi i tyre, duke llogaritur se pjesa tjetër e parlamentit që do të mbetet opozitë do të jetë me siguri krahu ekstrem i djathtë serb, me të cilin fare nuk duam të bisedojmë”.
“Dhe duke pasur parasysh sjelljet e Serbisë kur që nga vitet e 90-ta asnjëherë nuk i ka bërë shqipatrëve ofertë të jetë pjesë e qeverisë, nuk mund të presim të jemi pjesë e asaj qeverie”, shtoi ai.
Ndërkaq, ai potencoi se në rast të ndonjë oferte, kërkesa e tyre është që Serbia duhet të sigurojë vende pune.
“Respektivisht participim adekuat konform konventave të Bashkimit Evropian, Këshillit të Evorpës, të shqiptarëve në organet shtetërore në nivel të komunave Preshevë, Bujanofc dhe Medvegjë”.RTVD
