Nga Artan Fuga
Ka gjëra që bëhen,
ka edhe gjëra që duken sikur nuk bëhen dot, por përsëri bëhen,
ka edhe gjëra që nuk duhen bërë, por përsëri bëhen,
ka gjëra që janë të pabëshme, por duhen bërë,
ka gjëra që nuk të pëlqen t’i bësh, por duhen bërë,
ka gjëra që mund të bëhen, por edhe mund të mos bëhen,
ka gjëra që bëhen pa e ditur,
amà, ka gjëra që nuk duhen bërë kurrë, edhe sikur të të pëlqejnë t’i bësh,
duhet t’u thuash “Jo”, dhe pastaj qielli me tokën të bashkohen, “jo” nuk ndryshohet.
Ka edhe gjëra që thua “jo, nuk bëhen”, por në fakt i bën, sepse “jo” në fakt është “po”.
Ehu sa nuanca ka të shprehurit!
