Në fjalën e tij nga Elbasani, ish-kryeministri Sali Berisha ka hapur edhe njëherë diskutimin për shpalljen e tij non-grata nga Amerika. Sipas tij, sekretari amerikan Blinken nuk ka asnjë faj në këtë mes dhe në asnjë moment nuk e ka konsideruar atë antishqiptar. Por, sipas Berishës antishqiptarët e vërtetë janë Soros dhe Rama, madje ai thotë se ata të dy lobuan për hakmarrje ndaj tij që të shpallej “non-grata”.
“Një antishqiptar i tërbuar si Soros, i faktuar me të gjithë projektet e tij për përçarje të Kosovës me ideologjinë që nuk pajtohet me vlerat që besojmë dhe interesat tona. Pa që kishte një pengesë në këtë rrugë dhe loboi fuqishëm kundër meje duke përdorur Ramën. Përpiloi raporte ku përfshiu edhe Sekretarin e Shtetit, Antony Bklinken nuk është antishqiptar. Nëse do të kisha një dyshim do tua thoja. Nuk është dhe nuk asnjë arsye të jetë.
Por Soros dhe Rama janë. Janë aktet ndër më turpëruese që e vërtetuan. Nuk kishte gjë më të rëndë se ajo e djeshmja. Si mund të mos kemi ndjeshmëri ndaj një kombi që në një kamp ka varrosur 8 mijë djem e burra? Dhe pastaj vjen si njeriu që s’ka përgjegjësi. Njeriu pa përgjegjësi ka qenë vetëm ai primitiv. Del e thotë se e kanë këta fajin për rezolutën. Ata na u bënë bashkë edhe më dezinjuan non grata”, deklaroi Berisha. Ndërsa më tutje ai u shpreh se ky vendim ndaj tij i dha edhe më shumë forcë që të rikthehet në politikë dhe të marrë në dorë situatën e PD.
