Mëngjesin e sotëm është mbledhur Kryesia në PS, ndërsa mësohen dhe porositë që kryeministri Rama iu ka dhënë të vetëve për mbajtjen e zgjedhjeve në 30 Qershor.
Rama është shprehur se fushata elektorale do të vijojë deri të premten, ndërsa e shtuna do të jetë dita e heshtjes zgjedhore.
“Garantimi dhe mbarëvajtja e procesit zgjedhor. Të jemi korrekt me procesin e administrimit zgjedhor. Të respektohet kodi zgjedhor. Kush prek voten dhe manipulon votën, do përgjigjet para ligjit”, mësohet të jetë shprehur Rama.
Kryeministri pritet të jetë pasditen e sotme në Shijak dhe në Durrës, ndërsa mitingu i përmbylljes së fushatës elektorale do të jetë në Vlorë, në një nga qytetet bastion të socialistëve, nga ku ka dalë deputet dhe vetë kreu i qeverisë.
