Lindita Nikolla: “E shihni të egër Gramozin por na pyesni neve, mua, Mimin, Oltën e të tjera,, duket kaq i egër por na e ka bërë neve rrugën kaq të butë…”
“Rama na e mori shpirtin ne burrave me atë 50% e grave… ështe hera e parë që kemi gra të nderuara në qeveri, në bashki e në këshillat bashkiakë, falë Edi Ramës…”, Gramnoz Ruçi foli kështu në konventën e grave të PS-së. Për rrëth 30 minuta, kryetari Asamblesë Kombëtare të PS-së, i ka thurur lavde të pafundme Edi Ramës i cili ka sjellë kaq shumë gra në PS, në qeveri, në Parlament, në këshillat bashkiakë e kudo.
Gramoz Ruçi tha ndër të tjera se kongresi i 19 marsit do të jetë më i mirë sepse atje janë tashmë 50% dlegate gra.
Për të shprehur respektin për gratë, Gramoz Ruçi ka zgjedhur një moment shumë pikant të karrierës së tij politike. Ka zgjedhur 1991, kohën kur Gramoz Ruçi ishte ministër i brendshëm në qeverinë e parë pluraliste. Ruçi rrëfeu një bisedë me një partner gjerman që kishte ardhur në Shqipëri të asistonte vendin në rrugën drejt demokracisë. “Kur isha ministër i Brendshëm në vitin 1991 dhe vendi ishte në prag lufte civile, një partjner nga Gjermania me pyeti si do ta përballosh situatën. Natyshëm i fola për masat policeseke etj. Pasi më dëgjoi më tha:
Zotëri ke vetëm një shpresë… dil në televizion dhe drejtoju grave! Po cdua unë me gratë I thashë, jam ministër i Brendshëm?! Ai mu përgjigj: Kam tre ditë në shqipëri dhe kam vënë re siç janë gjakrat e ndezura vetëm gruaja mund të shpëtojë situatën në këtë vend. Sepse gruaja është nënë e motër, gruaja ka një vëlla, ka një burrë që është atje në rrugë në prag të luftës civile… vetëm një grua mund ta ndalë luftën civile…”. Dhe në të vërtetë falë këtyre grave shqipëria nuk kaloi në luftë civile as vitin 1991 dhe as në 1997.”, tha Ruçi.
Dhe si për ta legjitimuar gjtihë këtë fjalim prej burri të fortë që përulet para grave, siç tha Ruçi, pasardhësja e tij në foltoren e konventës së grave socilaiste, ministerja Lindita Nikolla tha: “E shihni të egër Gramozin por na pyesni neve, mua, Mimin, Oltën e të tjera,, duket kaq i egër por na e ka bërë neve rrugën kaq të butë…”, tha Nikolla.
