Presidenti Bujar Nishani ka dhënë një deklaratë të fortë lidhur me legjitimitetin e zgjedhjeve pa pjesëmarrjen e opozitës.
I pyetur nga gazetari Enkel Demi nëse do të shkojë të votojë më 18 qershor, Nishani u shpreh që në këto kushte, kur opozita nuk bëhet pjesë e procesit, nuk do të drejtohet tek kutitë e votimit më 18 qershor. Pra, nuk do të votojë. Ai e shpjegon këtë vendim të tij personal si qytetar i Shqipërisë të lidhur me lirinë për të zgjedhur.
Sipas Nishanit, në qoftë se më 18 qershor ka vetëm një palë që ofrohet, atëherë procesi i votimit nuk ka kuptim, ndaj dhe nuk do të shkojë të votojë në ditën e zgjedhjeve, nëse opozita nuk bëhet pjesë e procesit.
I pyetur në emisionin “Fol me mua, Fol me ata” në RTSH për deklaratën e ambasadorit të SHBA-së që zgjedhjet pa opozitën mund të konsiderohen legjitime, Presidenti Nishani shpreh një mendim krejt të ndryshëm nga ai i diplomatit Donald Lu.
Nishani tha që zgjedhjet pa opozitën nuk fitojnë legjitimitetin që i jep Kushtetuta, sepse kemi të bëjmë vetëm me një proces teknik, ku kryhet një votim, por qytetarët nuk kanë alternativë për të zgjedhur.
“E kemi të përcaktuar në Kushtetutë që zgjedhjet pa opozitën nuk mund të kenë legjitimitet.”, sqaroi Nishani.
https://www.youtube.com/watch?v=z3OQwXe-JIo
https://www.youtube.com/watch?v=xxWA7tJJt3I
https://www.youtube.com/watch?v=spFY8RUrK7E
