Në një takim me studentë dhe pedagogë të Universitetit të Tiranës, presidenti Bujar Nishani tha se shkrimi i një historie mbi bazën e provave, fakteve, arkivave dhe debateve nuk është një çështje e lehtë dhe kërkon shumë kohë, por sipas tij, duhet të nis puna për të vendosur historinë e shqiptarëve në vendin e duhur dhe të nevojshëm.
Nishani tha se historia jonë ka nevojë të fillojë të shkruhet jo vetëm në atë kontekst që ka debate të mëdha, për shkak të periudhave ekstremisht të ideologjizuara, që janë pjesë e historisë, por historia e kombit shqiptar është shumë e pasur, me uljet dhe ngritjet e saj dhe ka kontribute në nivel global.
