“Lëvizja çadriste” e pati quajtur Berisha protestën e Edi Ramës, të zhvilluar në nëntor të vitit 2009. “Hap kutitë ose largohu!” ishte parulla e protestës së Ramës kryetar i opozitës kundër Berishës kryeministër.
Protesta e atëhershme ishte kundër manipulimit të pretenduar të zgjedhjeve nga Berisha.
E njëjta gjë ndodh sot në sheshin e mbushur të Lulzim Bashës, ku sapo ka nisur “lëvizja çadriste”, siç do ta quante Berisha. Basha ka urdhëruar turmën të marrë masat për të qëndruar në shesh me çadra, deri sa të vijë nga mazhoranca garancia për zgjedhje të lira.
“Garantoj çdo protestë dhe sikur ajo të zgjasë 30 ditë e më shumë, që nuk do të aprovoj asnjë vendim për hapjen e kutive”, thoshte Berisha, tetë vite më parë, kur Rama protestonte para zyrës së tij me çadra.
