I ftuar në emisionin “360 Gradë”, avokati Spartak Ngjela është shprehur se të gjitha akuzat që ngrihen ndaj Fatmir Xhafajt synojnë eliminimin e tij.Ai tha se brenda këtij ‘organizimi’ është i përfshirë edhe kryeministri Edi Rama i cili ka qenë gjithmonë kundër ministrit të Brendshëm.
“Krimi dhe koha janë të lidhur në mënyrë shumë strikte. “Babalja” ka dalë pasi i kishte dalë rruga për të shkuar në Itali. Vendimi për të shkuar në Itali ka qenë më përpara. Dhe këta i thanë mos e ço në Itali se ka dalë “Babalja. Mua nuk më intereson fare, i kanë organet e specializuara. E kanë filluar që me SHIK-un. Ka kohë që kanë filluar për të eliminuar Xhafën. Por problemi ka marrë ngjyrime politike. Analiza politike fillon me një shkak pa të cilin. Është frika e ish-liderëve të PD-së nga frika nga drejtësi. Frika kërkon gjëra anësore. Kuptohet që ka qenë edhe Rama se është kundër ministrit të Brendshëm. I ka kërkuar disa herë dorëheqjen”, tha ai.
