Një galeri me fotografi të grave të PPSH-së zonjave të rithemeluara të PS-së dhe femrat e rilindura
“Gruaja forcë e madhe” ka qenë parrulla e diktatorit Enver Hoxha për gratë në komunizëm. Ishte koha, kur imazhi i gruas ishte identifikuar me portretin e asaj që mban në njërin krah pushkën e në tjetrin kazmën e përkrah burrit mbron atdheun e ndërton socializmin.
Gjatë komunizimit, gruaja mori një peshë artificiale në pushtet. Kishte shumë gra në parlament dhe në struktura drejtuese të shtetit komunist. Nga diktatura shitej si emancipim dhe barazi me burrin. Kulmi i barazizë së grave të diktaturës me burrin ishte përpikmëria për të zbatuar luftën e klasave….
Në vendimarrjen e kohës së komunizmit në të vërtetë u zgjodhën disa gra injorante që vinin nga shtresat më të ulëta të shoqërisë dhe natyrisht më të devotshmet për të zbatuar praktikat e dhunës komuniste. Janë pikërisht këto gra që zëvendësuan gratë e vërteta intelektuale, të cilat u vranë njësoj si burrat e shkolluar të Shqipërisë së pas vitit 1944. Gratë e diktatorit, injorantet që vinin nga kënetat e padijes shqiptare, e mundën Musine Kokalarin, e cila ishte nga ato gratë intelektuale të vërteta, e cila e shkoi jetën burgjeve e internimeve të diktaturës. Bashkë me Musinenë janë shumë gra e vajza të shkolluara që u vranë e persekutuan gjatë regjimit komunist.
Pas vitit 1990, me rrënien e sistemit komunist, vijnë gratë e rithemeluara të PPSH-së. Ish-komunistet që na u shfaqën si demokrate me të njëjtën filozofi si parardhëset e tyre. Natyrisht nën petkun e demokracisë, përkrah burrave të rithemeluar të PPSH-së e drejtojnë Shqipërinë edhe sot.
Tani po jetojmë kohën e grave moderne të Edi Ramës, që ulin e ngrenë trarë të doganave e tatimeve, të shkollave, universiteteve e spitaleve sepse gruaja është forcë shumë e madhe. Janë gratë fashion të Rilindjes, bijat e nënave të rithemeluara që na vijnë nga diktatura.
Ja dhe shoqet e rithemeluara
Ja dhe grenxat e Rilindjes… e sa ka evoluar gruaja …forcë e madhe…
Ja kështu… këto gratë e “rilindura” tanimë po e hapin edhe dosjen e Musine Kokalarit….
