Spekullimet për transferimin e Neymar në Madrid shtohen çdo ditë dhe e fundit që vjen nga Spanja zbulon se ylli brazilian kërkon pagë më të lartë sesa Ronaldo për të ndryshuar skuadër.
Sipas “Don Balon”, Neymar do të pranonte të shkonte në Madrid në rast se ai do të paguhet më shumë sesa Ronaldo. Portugezi, në kontratën e re, pritet të rrisë pagën e tij në 40 milionë euro, aq sa fiton dhe Messi te Barcelona.
Neymar, ndërkohë, kërkon 50 milionë euro. Real Madrid mban gjithnjë kontakt edhe me sulmuesin e Chelsea, Eden Hazard, ndërsa në fokus është dhe egjiptiani i Liverpool, Mohamed Salah.
