Ka një mënyrë se si mund të jepni kontributin tuaj që territori shqiptar të mos tkurret edhe më shumë në favor të palës greke.
Nëse jeni kundër marrëveshjes që i jep Greqisë 12 milje det atëherë klikoni linkun dhe firmosni peticionin.
Nënshkruani këtu Peticionin kundër marrëveshjes me Greqinë
PETICIONI
Në bazë të nenit 23 të Kushtetutës së Shqipërisë kërkojmë transparencë të plotë mbi marrëveshjen midis qeverisë shqiptare dhe asaj greke. Kushtetuta dikton në nenin 23 jo vetëm trasparencë të akteve juridike por edhe veprimtarisë së organeve shtetëore, domethënë jo vetëm të marrëveshjes por dhe të gjithë negociatave.
Trasparenca e marrëveshjeve ndërkombëtare diktohet dhe nga karta e OKB-së dhe traktati i Vjenës si dhe nga praktika zakonore e shteteve. Shqipëria dhe shumë shtete kanë vuajtur nga marrëveshjet e fshehta, relike e kohës së kolonializmit.
Në bazë të nenit 123 të Kushtetutës kërkojmë gjithashtu që ratifikimi i kësaj marrëveshje të bëhet me referendum kombëtar si garancia më e mirë për një paqe të qëndrueshme mes dy popujve tanë.
I bëjmë thirrje opozitës shqiptare, të korrigjojë vetveten dhe të thërrasë urgjentisht një seancë parlamentare mbi këtë çështje.
I bëjmë thirrje Prokurorisë së Përgjithshme të hetojë mbi çdo element penal të veprës për tradhëti ndaj Republikës dhe integritetit territorial të Shqipërisë.
I bëjmë thirrje Mediave shqiptare të hetojnë dhe të zgjojnë opinionin publik mbi këtë çështje madhore.
I bëjmë thirrje miqve tanë të vërtetë ndërkombëtarë të na ndihmojnë në këtë fazë kritike të shtetit tonë.
