Ditën që Shoqata Patriotike “Çamëria” festoi 28-vjetorin e krijimit të saj, u promovua nisma për të pajisur çdo shqiptar të Çamërisë me kartën e anëtarësisë.
Kryetari i PDIU Shpëtim Idrizi, u shpreh gjatë aktivitetit se nuk do të priste që shqiptarët t’i shkonin në zyrë për të marrë kartat, por do t’ua shpërndante shtëpi më shtëpi.
“E nisim nga gjyshërit dhe gjyshet tona, të cilëve nuk u kemi dhënë dot atë që kanë kërkuar, të shkojnë në Çamëri se nuk e kam në dorë, po nuk do të resht. Por, të paktën t’u japim kartën e anëtarësimit Çamëria, në shtëpitë e tyre”, deklaroi Idrizi.
Tashmë kjo nismë është bërë reale. Kreu i PDIU i ka dorëzuar nënës çame, 70-vjeçare kartën e anëtarësisë së Shoqatës Patriotike Çamëria.
