Guardiola nuk mundi ta kishte në skuadër sulmuesin brazilian Neimar, pasi me mbëritjen e këtij të fundit tek Barcelona, trajneri katalanas u transferua tek Bajerni i Mynihut. Por mund të bashkohet me të tek Mançester Siti, pasi sheiku Mansur është i gatshëm të bëj çmendurira për ta bërë të lëvizë yllin e Seleçaos. Tashmë menaxherët e tij janë hedhur në aksion, qoftë edhe për faktin se aktualisht kanë edhe një shifër konkrete për të ofruar. Flitet për 200 milionë euro për blerjen e kartonit të Neimar, një rekord absolut i përdorur ndonjëherë për transferimin e ndonjë futbollisti. Tani duhet pritur nëse do të tundohet breziliani, për të pranuar një eksperiencë të re në Premier League. Ndërkohë që Mansur ka edhe një objektiv tjetër, ky është uruguajani Suarez, që mbi të gjitha menaxhohet nga vëllai i Pep.
