Nga Gjergj Meta
Pse unë mendoj që shpirti social i shqiptarëve në Shqipëri është ende thelbësisht komunist?
Kjo ndodh, sepse ne kërkojmë ende nga shteti të bëjë shtet. Jemi ende fëmijë në këtë drejtim. Kemi nevojë të delegojmë përgjegjësinë tonë sociale si individë te një strukturë garantuese. Ne nuk e duam pjesmarrjen në ndërtimin e shoqërisë, sepse na mjafton fjala e 1-shit. Kjo ndodh në shumë realitete. Ne jemi të prirur t’i nënshtrohemi diktaturës në momentin që na ofrohet një minimum jetik. Kështu bëmë në ’44, kur i’u nënshtruam një grupi kriminelësh.
Gjatë 25 vjetëve post-diktaturë ende figura e babës-diktator vërtitet si shpata e Demokleut mbi kryet tona, edhe pse mund të vishet me kostum perëndimor apo me ngjyra ekstravagante prej anarkisti. Është njësoj ajo që ndodh, edhe pse mund të jetë bërë pak make-up.
Ne jemi ende fëmijë socialë që për të mbijetuar të vetmet rrugë që kemi janë nënshtrimi ose thyerja e rregullave…
Sa kushton liria? Sa kushton rritja?
Ditë të mbarë! dom Gjergji.
