Policia e Elbasanit ka sekuestruar pasurinë e vlerë 400 mijë euro në pronësi të një 34- vjeçari në Shqipëri.
Daniele (Oklid) Çela rezulton i dënuar me 13 vjet burgim, në Norvegji, si autor i trafikimit të lëndëve narkotike, në kuadër të një grupi të strukturuar kriminal, me aktivitet në këtë shtet.
Sipas policisë në zbatim të vendimit të gjykatës u bë i mundur sekuestrimi i pasurive të ndryshme të 34-vjeçarit, me vlerë rreth 400 000 euro, konkretisht janë sekuestruar: një apartament, një biznes (lokal) dhe garazhi i tij, në lagjen “Visarjon Xhuvani”, Elbasan dhe një ndërtesë dykatëshe, në Peqin.
