Edi Rama, brenda 10 ditëve të fundit ka shkuar tre herë në fshatin Mbrostar të Fierit, afër të cilit do të ndërtohet spitali elektoral i premtuar nga Erdogan.
Nuk dihet edhe sa herë të tjera do të shkojë deri në ditën e inaugurimit që është premtuar nga vetë Presidenti i Turqisë, se do të jetë përpara 25 prillit, por nëse vazhdon me këtë ritëm të paktën do ta shohim në këtë kantier edhe 20 herë të tjera.
Këtë të premte ai ka mbërritur aty që në mëngjes, për të inauguruar nisjen e punimeve të këtij spitali, por ajo që ka habitur banorët e zonës ka qenë shoqërimi i kryeministrit nga dhjetëra forca policore dhe një autokolonë e gjatë makinash luksoze.
/syri.net/
