Në Kosovë regjistrohen edhe 11 raste të reja me COVID-19

0
109
Members of the University Clinical Center of Kosovo in protective gear walk past a sign reading "Ambulance For Coronavirus" at the University Clinical Center of Kosovo in Pristina on March 14, 2020. - Kosovo reported its first coronavirus (COVID-19) case on March 13, 2020, in a 22-year-old Italian woman and a 77-year-old Kosovar man, both recently returned from Italy. (Photo by Armend NIMANI / AFP)

Ministria e Shëndetësisë (MSH) ka bërë të ditur më 17 dhjetor se gjatë 24 orëve të fundit në Kosovë janë regjistruar 11 raste të reja me koronavirus, pas testimit të 1,734 mostrave. Gjatë këtij 24- orëshi nuk është shënuar asnjë vdekje nga COVID-19.

Sipas njoftimit të MSH-së, aktualisht janë 317 raste aktive me koronavirus, ndërsa janë shëruar tetë persona.

Deri më tani në Kosovë, janë dhënë 1.651.845 doza të vaksinës kundër koronavirusit.

Të drejtë vaksinimi në Kosovë kanë të gjithë qytetarët e moshës mbi 12 vjeç.

Aktualisht, në Kosovë jepen dy lloje të vaksinave, ajo e kompanisë AstraZeneca dhe vaksina e Pfizer/BioNTech.

Që prej 9 dhjetorit ka nisur edhe dhënia e dozës së tretë dhe dozës përforcuese të vaksinës kundër koronavirusit.

Sipas Ministrisë së Shëndetësisë, doza përforcuese e vaksinës u jepet personave, të cilët i kanë marrë dy doza të vaksinës kundër COVID-19 [sëmundjes që e shkakton koronavirusi], por te të cilët, me kalimin e kohës, imuniteti vjen duke rënë. Kjo dozë jepet gjashtë muaj pas marrjes së dozës së dytë.

Në anën tjetër, doza e tretë e vaksinës u jepet personave, të cilët i kanë marrë dy dozat e vaksinës kundër COVID-19, por te të cilët nuk është zhvilluar imuniteti i duhur, si pasojë e imunitetit të dobët të tyre, apo sëmundjeve shoqëruese, me rekomandim të mjekut ordinues.

Doza e tretë jepet jo më herët se tetë javë dhe pa i bërë gjashtë muaj nga marrja e dozës së dytë.