Kreu i Sindikatës për Pedagogët, Sandër Kovaçi në fjalën e tij në protestën e mbajtur të premten tek Universiteti i Arteve, ka sqaruar kërkesat e tyre për qeverinë duke theksuar se pedagogët kanë reaguar me tubime për të përfituar rritje rroge.
Duke krahasuar se sa pagë merr një asistent e një pedagog në Kosovë dhe Shqipëri, Kovaçi u shpreh se “ka ardhur koha të themi ta bëjmë Shqipërinë si Kosova”.
“Kryeministrit i kërkojmë ta shohi universitetin me sy tjetër. Sindikata ka kërkuar që në 2019 dyfishim të buxhetit të shtetit për arsimin e lartë publik. Ne e kemi zbritur kërkesën e kemi reduktuar duke qenë solidar. Kemi qenë konsistent në kërkesat tona janë të përsëritura të modeluara në një variant tjetër për shkak të situatës aktuale. Se ka një ide në publik se profesori paguhet mirë. Si ka mundësi se termi profesor në dikaturë profesori ishte nivel zv.ministër e plotësonte gjithë kushtet elementare të jetës ndërsa sot është e kundërta. Nuk është marrë parasysh asnjë rritje. Vetëm profesorati ka kërkuar rritje pagash me anë të protestave, fatkeqësisht e kësaj radhe u detyruam. Një asistent në universitet ta dinë njerëzit që paguhet kur hyn në universitet 595 mijë lekë të vjetra në muaj. Ti kërkosh informaticienit që ka dalë me 10 apo arkitektit mos puno në treg që e ka 2 milionë. Shifra maksimale 960 mijë lekë e profesorit. Pra 800 euro profesori me 40 vjet punë. Ta krahasojmë me Kosovën asistenti atje e ka 700 euro. Ai që paguhet 800 euro këtu në Kosovë është me 1400 euro”, tha Kovaçi.
Ndërsa foli dhe për përgjysmimin e pagesës për orët suplementare, ai shtoi se një pedagog nga Kosova i kishte thënë se situata në Shqipëri është për “të qarë”
“Pagat e profesoratit janë cunguar për shkak të shtesave suplementare, një profesor në Kosovë tha është për të qarë situata në Shqipëri. Këta tani e bënë dhe leksionin sa seminari, 1 me 1. Ka qenë mos vlerësimi për ne që ka arritur në këtë përfundim”, tha ai.
