Media greke ka habitur, duke pranuar se shqiptarët emigrantë në Greqi, janë të detyruar ta mohojnë origjinën e tyre për arsye të paragjykimit.
Madje ‘Voice of Athens’ thekson faktin që nëpër botë, në vende të zhvilluara si SHBA dhe Britani të Madhe, shqiptarët nuk e mohojnë origjinën e tyre por e pohojnë me krenari atë.
‘Voice of Athens’ ka sjellë shembullin e tre këngëtareve shqiptare, që kanë arritur majat e karrierës së tyre nëpër botë, midis të tjerash, dhe faktin që ato e thonë me krenari origjinën e tyre nga Shqipëria.
Madje kanë publikuar dhe foto të Dua Lipës me postimet që ajo ka bërë në rrjete sociale, ku ka shprehur atdhetarizmin e saj.
Revista ka sjellë në vëmendje se si e kanë nisur karrierën, tre këngëtaret e famshme shqiptare, duke treguar detaje mbi jetën e tyre.
Sigurisht që racizmi i grekëve ndaj shqiptarëve është një fenomen i njohur, dhe fakti që një revistë e njohur greke ka pranuar disa gjëra reale, duke lartësuar shqiptarët, na bën të ndjehemi mirë!
