Situata në pikën kufitare të Kakavijës i është kthyer normalitetit.
Raportohet se në orët e para të mëngjesit nga kjo pikë kanë kaluar vetëm dy automjete nga Shqipëria drejt Greqisë.
Nga sot të gjithë qytetarët shqiptarë që do udhëtojnë drejt tokës greke do i nënshtrohen një regjimi të ri rregullash, të vendosura nga qeveria greke me qëllim parandalimin e përhapjes së koronavirusit.
Përgjigja e testit duhet të jetë e përkthyer në gjuhën angleze, dhe vetëm në rast se përgjigja është Negativ, ata do të lejohen të kalojnë në Greqi.
Më pas me të shkelur në tokën greke, ata do duhet të karantinohen për një javë.
