Nga Elona Caslli
Zoti Basha keni zhvilluar sot një aktivitet tek pseudoteatri “ArtTurbina” në Ditën e Rinisë. Aktiviteti është zhvilluar në një pseudoteatër që zëvendësoi Teatrin Kombëtar, i cili u shemb barbarisht në të gdhirë të 17 majit.
Në emër të Teatrit Kombëtar dhe të një bashkësie të madhe njerëzish që derdhën energjinë e tyre, kohën e tyre për ta mbrojtur atë, do të kishte qenë e udhës që ky aktivitet të zhvillohej kudo, veç në pseudoteatrin “Art Turbina” jo.
Teatri Kombëtar përfaqëson një ringjallje të diktaturës, ku prisheshin objektet e kultit ose nxirreshin familjet prej shtëpive në të gdhirë, për t’u internuar diku.
Do të kish qenë mirë të kishit zgjedhur një institucion më asnjanës për Ditën e Rinisë, pasi figura juaj është e lidhur me çështjen e Teatrit Kombëtar, për sa kohë firmosët një marrëveshje me Aleancën për Mbrojtjen e Teatrit për hapat që do të ndërmerrnit nëse do të vinit në pushtet.
Post Scriptum: Nuk e di nëse ka qenë akt i vullnetshëm apo një detaj që ju ka shpëtuar elementi i “Art Turbinës”, por në çdo rast keni lënduar thellë të gjithë qytetarët që protestuan për mbrojtjen e tij.
