Pas takimeve të zhvilluara midis ministrit të Brendshëm, Saimir Tahiri dhe deputetëve të Lëvizjes Socialiste për Integrim, është rënë dakord që ligji për sigurinë shtesë publike të ndryshohet.
Ligji nuk do të futet në seancën e të enjtes në parlament ndërsa ndryshimet do të kërkojnë disa ditë kohë.
Takimi u zhvillua në selinë e Kuvendit ku ishin të pranishëm deputetët e LSI-së, Luan Rama dhe Spartak Braho, si dhe Piro Lutaj i Partisë Socialiste.
Paraditen e sotme ministri Tahiri ka ndjekur nga afër punën e punonjësve të policisë në funksion të zbatimit të nenit 17 të Kodit Rrugor për vendosjen e rripit të sigurimit.
Tahiri u bëri apel qytetarëve të vendosin rripin e sigurimit dhe të zbatojnë rregullat e qarkullimit rrugor pasi sipas “të lidhësh rripin e sigurimit, nëse nuk e bën nuk je i fortë, por i çmendur”.
