Sekretari i ri i përgjithshëm i PS-së, Damian Gjiknuri ka deklaruar se socialistët janë të gatshëm që të ulen me Partinë Demokratike dhe të bisedojnë edhe për ndryshimet Kushtetuese.
Nga qyteti i Shkodrës, Gjiknuri tha se propozimet duhet të bëhen në tryezë dhe jo në media. Ndërkohë i pyetur lidhur me konfliktin mes Ramës dhe Bashës, Gjiknuri është distancuar dhe nuk ka reaguar.
“Jemi të gatshëm të ulemi me PD të bisedojmë për gjitha çështjet. Si dhe ato që propozon PD për ndryshimet kushtetuese. Por propozimet bëhen në tryezë dhe në institucione. Tashmë që PD është brenda institucioneve mund të bisedojmë dhe jemi të hapur. Por nuk bëhet në studio televizive dhe me konferenca për media.” tha Gjiknuri.
