Banorët që jetojnë në afërsi të fabrikës së tullave në zonën e Laprakës në Tiranë, kanë dalë sërish në protestë këtë të dielë.
Ata shprehen të irrituar pasi helmimet që lëshon ndotja e shkaktuar nga fabrika e tullave është vdekjeprurëse.
“Kjo fabrikë krijon shumë ndotje, po na rrezikon jetën. Jo vetëm ne, por kjo fabrikë rrezikon jetën e gjithë Tiranën. Nuk është protestë pushteti por për jetën, protestë për jetën e fëmijëve tanë. Nuk do ti ndalim prostetat tona”, u shpreh një nga banorët.
Gjithashtu ata kanë paralajmëruar se ditën e nesër në orën 15:00 do të protestojnë përpara Ministrisë së Mjedisit.
