Në orët e para të ditës së sotme është ndarë nga jeta në moshën 68 vjeçare ish-futbollisti i Partizanit, Gjergji Thaka. Për një dekadë mesfushori Thaka ka qenë pjesë e Partizanit (1968-1978).
Gjergji Thaka me Partizanin është shpallur kampion kombëtar, fitues i Kupës së Shqipërisë dhe Fitues i Kupës Ballkanike. Gjithashtu ai ka qenë trajner për moshat e reja dhe trajner i ekipit të Partizanit.
Për 7 vite, Thaka ka mbuluar edhe poste drejtuese në klubin e kuq , zëvendës shef dhe drejtor i klubit “Partizani“. Nga viti 1999-2002, Thaka ka qenë edhe punonjës i Federatës Shqiptare të Futbollit.
