Pas 12 javëve kampionat, Reali i Madridit u ndal në barazim pa gola në derbin me Atletikon duke bërë që diferenca me vendin e parë që mbahet nga Barcelona të shkojë në 10 pikë.
Në kampionatin italian, Napoli mposhti Milanin 2-1 duke vijuar kryesimin e Serie A. Lorenzo Insigne dhe Piotr Zielinski ishin autorët e golave për Napolin, ndërsa në fund të ndeshjes Alessio Romagnoli shënoi golin e nderit për Milanin.
Në ndeshjet e sotme të Serie A spikat, Sampdoria – Juventus në orën 15:00 dhe Inter – Atalanta në 20:45.
