Ka ndërruar jetë në moshën 83-vjeçare ish-diktatori i Panamasë, Manuel Noriega.
Gjenerali Manuel Antonio Noriega, ish-udhëheqësi ushtarak i Panamasë mësohet se ka ndërruar jetë në orët e vona të mbrëmjes së të hënës në spitalin “Santo Tomas” të Panamasë, ku i ishte nënshtruar një operacioni pas hemoragjisë cerebrale në tru.
Noriega njihet si “banditi i drogës” dhe është një personalitet që njihet në të gjithë botën. Madje, për të dhe veprat e tij është bërë dhe një film.
Noriega kishte qenë një aleat i rëndësishëm i SHBA, por u hoq me forcë nga trupat amerikane në vitin 1989 dhe u burgos me akuzat për trafik droge dhe pastrim parash.
Pjesën tjetër të jetës së tij e kaloi në paraburgim për vrasje, korrupsion dhe përvetësim.
Ish-udhëheqësi u lirua nga burgu në janar për t’u përgatitur për operacionin në fillim të marsit për heqjen e një tumori në tru.
Ish-kryeministri Sali Berisha e ka parë të mishëruar në historinë jetësore të Manuel Oriegës keun e qeverisë Edi Rama.
