Është ndarë nga jeta këtë të martë, pas një beteje të gjatë me një sëmundje të rëndë ish-deputeti i PD në Mat.
Idriz Xhomara ka ndërruar jetë në moshën 68-vjeçare, ndërsa ka qenë deputetja e PD, Dhurata Çupi që ka njoftuar lajmin e hidhur.
Statusi i Dhurata Çupit:
“Një ikje e parakohshme, një largim që lë pas shumë dhimbje por edhe vlera. Sot mora lajmin e hidhur të ndarjes së parakohëshme nga jeta të ish deputetit Idriz Xhomara, i cili lë pas një kontribut të jashtëzakonshëm për zhvillimin e demokratizimin e Matit.
Deputeti i përballjeve të drejtpërdrejta dhe i guximit Idriz Xhomara sot nuk është më mes nesh, pasi një sëmundje e papritur i mori jetën në moshën 68-vjeçare. Përcjell ngushëllimet e mia familjarëve, gruas dhe fëmijëve për këtë humbje. Zoti u dhëntë forcë për ta përballuar.
Me ndarjen nga jeta të Idriz Xhomarës PD Mat humbi njeriun e vlerave të patjetërsueshme por që na le detyren për t’i vijuar. Ngushëllime. U prehsh në paqe koleg i nderuar”.
