Ndahet në moshën 79-vjeçare, princi i Polifonisë shqiptare Lefter Çipa

Duhet të lëçisni

U nda nga jeta pas një sëmundje të rëndë, miq e kolegë homazhe për aktoren Edi Luarasi

Aktorja e njohur shqiptare, “Nderi i Kombit” Edi Luarasi është ndarë nga jeta ditën e djeshme në moshën 81-vjeçare pas një sëmundjeje të rëndë....

Anëtarët e rinj të KED për vitin 2022, Kim: Vazhdon zbatimi i Reformës në Drejtësi!

Ambasadorja amerikane, Yuri Kim ka reaguar pas shortit që u hodh ditën e djeshme në Presidencë për zgjedhjen e anëtarëve të rinj të Këshillit...

Me ndihmën e Katarit, Franca evakuon rreth 330 persona nga Afganistani

Franca ka kryer një fluturim nga Afganistani, duke evakuuar rreth 330 persona nga shteti i kontrolluar nga talebanët, tha Ministria e Jashtme. Autoritetet thanë se...

Përplasen dy automjete në Krujë, 26 vjeçari transportohet në spitalin e Traumës

Një aksident është regjistruar ditën e sotme në Krujë. Drejtuesi i automjetit E.K., ka përplasur automjetin me drejtues 26-vjeçarin L.K. 26-vjeçari është transportuar në spitalin...

Ndërron jetë poeti i mijëra vargjeve polifonike dhe i 18 librave me poezi, Lefter Çipa.

Djali i tij, Aleksandër Çipa shprehet se kjo ka qenë një kohë e cila është e gjitha një tablo e zymtë dhimbjesh dhe lëngatash fizike të tij, një periudhë e gjitha lotimesh dhe mërzish për ne: familjen, nënën me katër djem dhe një vajzë.

Njeriu që lartësoi këngën e bregut, që do të kujtohet gjithmonë për “Bejkë e Bardhë” apo “Këngët e atdheut tim, jam ilaç e janë sherim”, la pas nje trashëgimni të madhe me poezi e këngë për dashurinë , atdheun, shqipërinë, vajzën, detin, apo edhe tokën. Lefter Çipa ditët e fundit të jetës ishte duke punuar për një studim për isopolifoninë.

Lefter Çipa, la pas një trashëgimni të pasur që do ti përcillet brezave.

Ceremonia mortore zhvillohet sot ne orën 15.00 në vendlindjen e tij Pilur.

Lefter Çipa është një ndër poetët më të shquar shqiptarë në vitet 1970-2008. Autor i 18 librave të botuar me poezi dhe një kolane në proces redaktimi për botim. Shumicën e librave të këtij autori tipologjik i ka botuar Shtëpia e njohur botuese “TOENA” në Tiranë. Ndër librat më të qarkulluar të këtij autori me poezi janë : “Bejkë e bardhë”, “Bilbilat e vendit tim”, “Shqipëri moj ballëhapur”, ” Këngët e Ruzanës”, “Dheun tim përsipër mbaj”, “Për Kosovën prapë do të ngrihem”, “Kënga që tret lotin”, “Këngët e Akroqeranit”,”Princi i Dashurise”, ” Flet princi i polifonise”, ” Engjej te polifonise”, ” Vij nga drita”, “Endrra neper duar”, ” Njerez me drite” etj.

Konsiderohet “princi i sotëm” i polifonisë shqiptarë. Autori më kreativ i polifonisë gjatë 40 viteve të fundit. Njëri prej studiuesve dhe hulumtuesve më këmbëngulës të poezisë orale popullore në trevat jugore të vendit. Autor i mbi 1250 këngësh të interpretuara nga grupet e famshme polifonike si ai i Pilurit (udhëheqës artistik i të cilit ka qenë për mbi 40 vjet, grupet polifonike të Himarës, Bënçës, Dhërmiut, Gjirokastrës, Vlorës, Lapardhasë, Ansamblit Shtetëror të Këngëve dhe Valleve si dhe dhjetëra ansambleve të tjera artistike në Shqipëri, Kosovë, Maqedoni etj.

Lefter Çipa konsiderohet si autori i papërsëritshëm i këngëve të vlerës së lartë artistike dhe muzikore si “Bejkë e bardhë”, “Vijnë djemtë nëpër vapë”, “Nga kjo baltë e kësaj toke”, “Naim Shqipëria”, “Shqipëri pse të qan syri”, “Zoga kaçake në male”, “Këngë kurbeti”, “Vito Pëllumbesha”, “Hënëz e qiellit të gjerë”, “Moj unaza gur jeshile”, “N sokak të ngushtë”, “O shokë vdekça nga kënga”, “Lundroj në lundrën e këngës”, “Kënga e manushaqes”, ” Zonjë e bukurisë”, etj.

Ky autor ka qënë pjesmarrës me krijimet e veta në 6 Festivale Folklorike Kombëtare të zhvilluara në Gjirokastër, Berat dhe Lezhë duke qënë i lauruar në çdo Festival Kombëtar.

Lefter Çipa ka botuar një numër të shumtë artikujsh për autorë dhe përfaqësues të shquar të letërsisë kombëtare shqiptare. Ka një arkiv të pasur me dokumente që flasin për fondin autentik të vlerave polifonike shqiptare në Bregdetin e Himarës dhe zonat e tjera arbërore. Shumica e personaliteteve më të shquara të kulturës, mendimit dhe kërkimit shkencor kulturologjik kanë përcjellë vlerësime dhe publikime të rralla vlerësuese për veprën, kontributin dhe vlerat shumëplanëshe të këtij autori dhe organizatori të shquar të veprimtarive polifonike dhe folklorike shqiptare në gjithë hapësirën.

Lefter Çipa mbahet mend si bashkëorganizatori dhe autor i teksteve te  trios së famshme Vlonjate. Ai është burimi ku ushqehen shumica e këngëtarëve dhe kompozitorëve të sotëm modernë shqiptarë dhe ku shumica e këngëtarëve kanë preferuar që në repertorin e tyre të kenë të kryerenditur poezitë dhe lirikat befasuese të këtij autori.

Eshte nderuar me çmime dhe dekorata, nder te cilat me me te larten “Nderi i Kombit”.

Më shumë shkrime

E Freskët taze

U nda nga jeta pas një sëmundje të rëndë, miq e kolegë homazhe për aktoren Edi Luarasi

Aktorja e njohur shqiptare, “Nderi i Kombit” Edi Luarasi është ndarë nga jeta ditën e djeshme në moshën 81-vjeçare pas një sëmundjeje të rëndë....

Anëtarët e rinj të KED për vitin 2022, Kim: Vazhdon zbatimi i Reformës në Drejtësi!

Ambasadorja amerikane, Yuri Kim ka reaguar pas shortit që u hodh ditën e djeshme në Presidencë për zgjedhjen e anëtarëve të rinj të Këshillit...

Me ndihmën e Katarit, Franca evakuon rreth 330 persona nga Afganistani

Franca ka kryer një fluturim nga Afganistani, duke evakuuar rreth 330 persona nga shteti i kontrolluar nga talebanët, tha Ministria e Jashtme. Autoritetet thanë se...

Përplasen dy automjete në Krujë, 26 vjeçari transportohet në spitalin e Traumës

Një aksident është regjistruar ditën e sotme në Krujë. Drejtuesi i automjetit E.K., ka përplasur automjetin me drejtues 26-vjeçarin L.K. 26-vjeçari është transportuar në spitalin...

Shpërndante drogë në zona të ndryshme të Tiranës, arrestohet 21-vjeçari. Sekuestrohet kanabis dhe kokainë, ja sa i shiste dozat

Policia e Tiranës ka goditur një tjetër rast të veprimtarisë kriminale në fushën e narkotikëve duke arrestuar një 21-vjeçar që shpërndante lëndë narkotike në...