Nga Elton Deda
Tashmë, ne muzikantët në Shqipëri e Kosovë po hyjmë në muajin e tetë pa punuar.
Një pjesë dërrmuese e jona, të ardhurat kryesore i kanë prej punës së lodhshme deri në orët e para të mëngjesit, në klube, bare e lounge të ndryshme.
Nuk punojmë dot, jo sepse jemi të paaftë, por sepse nuk lejohemi. Mbasi na kanë denigruar mirë e mirë me akte normative të bëra nga njerëz që thjesht nuk duan t’ia dinë për jetët e të tjerëve, mbasi na konsiderojnë pasanikë, ndërkohë që shumë prej nesh po shkojnë drejt falimentit financiar, edhe nuk na dëgjojnë e nuk na përfillin.
Nëse na mbyllën, duhet të mendohej një strategji kompesimi. Minimumi që mund të bëjë një shtet, te i cili ne paguajmë rregullisht taksa.
Personalisht ndihem tepër pesimist, më tepër prej indiferencës sesa prej gropës që thellohet çdo ditë.
